केप ऑफ गुड होप हा दक्षिण आफ्रिकेतील अटलांटिक महासागराच्या किनार्यावरील समुद्रात घुसलेला जमिनीचा एक सुळका आहे. अनेकदा चुकीने केप ऑफ गुड होपचा आफ्रिका खंडाचे सर्वात दक्षिणेकडील टोक असा उल्लेख केला जातो, पण वास्तविकपणे केप अगुलास हे आफ्रिका खंडाचे सर्वात दक्षिणेकडील टोक आहे.
ऐतिहासिक काळात युरोपातुन भारतीय उपखंडाकडे प्रवास करणार्या सागरी बोटींना आफ्रिका खंडाला वळसा घालुन यावे लागत असे. केप ऑफ गुड होप पर्यंत पोचणे हा ह्या प्रवासातील एक मोठा टप्पा मानला जात असे. १४८८ साली सर्वात पहिले खलाशी केप ऑफ गुड होपला पोचले.