पोर्टलंड आंतरराष्ट्रीय विमानतळ (आहसंवि: PDX, आप्रविको: KPDX, एफ.ए.ए. स्थळसूचक: PDX) अमेरिकेच्या ऑरेगॉन राज्यातील पोर्टलंड शहरात असलेला विमानतळ आहे. शहराच्या मध्यवर्ती भागापासून १० किमी ईशान्येस असलेल्या या विमानतळावरुन ऑरेगॉन राज्यातील ९०% हवाई प्रवासी वाहतूक तर ९५% हवाई मालवाहतूक होते.
हा विमानतळ अमेरिकेतील सगळ्या प्रमुख विमानतळांशी जोडलेला आहे तसेच येथून कॅनडा, जर्मनी, आइसलँड, जपान, मेक्सिको आणि नेदरलँड्सला थेट विमानसेवा उपलब्ध आहे. येथे अलास्का एअरलाइन्स आणि होरायझन एअर या विमानकंपन्याची मुख्य ठाणी आहेत.