स्पेन व मोरोक्को या देशांमधील चिंचोळ्या समुद्राला जिब्राल्टरची सामुद्रधुनी असे म्हणतात. जिब्राल्टर हे नाव ८ व्या शतकातील अरबी सेनापती तारिक ज्याने सर्वप्रथम स्पेन काबीज केला त्याच्यावरुन पडले आहे. या चिंचोळ्या सामुद्रधुनीला या आगोदर ग्रीक अथवा रोमन नोंदींप्रमाणे हर्क्युलचे द्वार असे संबोधत. तारिकने स्पेन काबीज करायला मोरोक्को मधून आक्रमण केले. अरबी लोकांनी याचे नामकरण जेबेल ए तारिक ( तारिकचा दगड) असे केले व नंतर ते स्पॅनिश लोकांनी जिब्राल्टर असा अपभ्रंश केला.